Bodi ya Mikopo HESLB Tanzania imetangaza Majina ya Waliopata Mkopo Awamu ya Tatu 2024/2025

[Sia]

Utangulizi: Bodi ya Mikopo ya Wanafunzi wa Elimu ya Juu leo (Jumapili, Oktoba 20, 2024) imetangaza Awamu ya Tatu (Batch Three) yenye wanafunzi 19,345 wa shahada ya awali waliopangiwa mikopo yenye thamani ya TZS 59.49 bilioni kwa mwaka wa masomo 2024/2025. Wanafunzi hawa 19,345 ni wapya wa mwaka wa kwanza wanaojiunga na taasisi mbalimbali za elimu ya juu zilizopo nchini kwa ajili ya masomo ya shahada za awali (Bachelor Degrees).

Idadi ya wanafunzi wa shahada ya awali waliopangiwa yafikia 70,990

Kufuatia kutangazwa kwa Awamu ya Tatu, jumla ya wanafunzi wapya wa shahada za awali waliopangiwa mikopo imefikia 70,990 na thamani ya mikopo yao ni TZS 223.3 bilioni, wanafunzi wa kiume ni 40,164 (56.58%) na wa kike ni 30,825 (43.42%).

Mikopo kwa Stashahada

Aidha, katika awamu hii pia, wamo wanafunzi wapya wa stashahada 425 (wa mwaka wa kwanza 378 na wanaoendelea na masomo 47) ambao wamepangiwa mikopo yenye thamani ya TZS 1.1 bilioni.

Ruzuku ya ‘Samia Scholarship’

Akisema, Mpaka sasa, jumla ya kiasi cha TZS 3.02 bilioni kimetolewa kwa ajili ya ruzuku kwa wanafunzi 599; (588 awamu ya kwanza na 11 awamu ya pili) wa mwaka wa kwanza wanaonufaika na ‘Samia Scholarship’ kwa mwaka wa masomo 2024/2025.

 

[Gift]

Jinsi ya kuangalia kama umepata mkopo HESLB 2024/2025

Wanafunzi walioomba mkopo wa elimu ya juu kupitia HESLB wanaweza kwa urahisi kufuatilia matokeo ya maombi yao na kujua kama wamepata mkopo au la. Hapa kuna njia mbili kuu za kuangalia matokeo hayo:

1. Kupitia Akaunti ya SIPA (Student’s Individual Permanent Account)​

Mfumo wa SIPA, unaotumika na HESLB, huwapa wanafunzi urahisi wa kufuatilia hali ya maombi ya mikopo. Akaunti hii inapatikana wakati wa kujisajili kwa mkopo, na inatoa taarifa sahihi kwa kila mwanafunzi. Ili kuona kama umepewa mkopo, fuata hatua hizi rahisi:

Jinsi ya Kufuatilia Mkopo Kupitia SIPA:​

• Tembelea Tovuti ya HESLB: Ingia kwenye tovuti rasmi ya HESLB Bonyeza hapa kuangalia.
• Ingia Akaunti Yako: Tumia jina la mtumiaji na nenosiri ulilojisajili nalo wakati wa kuomba mkopo. Mara baada ya kuingia, utaweza kuona kama ombi lako limepitishwa au la.

2. Kupitia Meseji ya Simu​

HESLB pia inaweza kutoa taarifa kupitia ujumbe mfupi wa simu kwa wanafunzi waliopata mkopo. Hakikisha namba ya simu uliyotumia wakati wa kuomba ipo sahihi, kwani unaweza kupokea ujumbe wa uthibitisho pale tu matokeo yatakapotangazwa.

Kwa kutumia njia hizi mbili, wanafunzi wanaweza kwa urahisi kujua hali ya maombi yao na kujiandaa ipasavyo kwa masomo yao ya elimu ya juu.

 

[Arthur]

Kuangalia kupitia sipa account ndo tunaangaliaje ?

pia, vipi kuhusu kwa waliopata mkopo heslb level ya diploma.